عصام صاصا: محستش بالغرور لما أرقامي عدت عمرو دياب ومحمد رمضان

تحدث مطرب المهرجانات عصام صاصا عن نجاح أغنياته وتحقيقه لمشاهدات مرتفعة وتفوقه على نجوم مثل عمرو دياب ومحمد رمضان.

وقال عصام صاصا خلال لقائه في برنامج أسرار الذي تقدمه الإعلامية أميرة بدر، المذاع عبر شاشة قناة النهار: "عمري ما كنت مغرور، لما أرقامي تفوقت على عمرو دياب ومحمد رمضان على المنصات محستش بالغرور، يمكن كنت مبسوط، لكن عمري ما حسيت أنا ناجح قد إيه".

وتابع عصام صاصا: "مكنتش أعرف أن أرقامي عدت عمرو دياب ومحمد رمضان لكن مدير أعمالي قالي، ومبسوط طبعا لكن دا مش آخر الدنيا عادي".

وتحدث عصام صاصا عن أرباحه من مواقع التواصل الاجتماعي قائلا: "بكسب من YouTube و "تيك توك" لكن مش اللي في خيال الناس، عمري ما سألت عن أغنية معينة حققت كام، بيجيلي ورق مكتوب فيه كل أغنية حققت كام أرباح لكن مش بشوف الأوراق دي".