كشفت الفنانة إلهام شاهين عن طريقتها في إنقاص الوزن ووصفت ما قامت به أنه ليس جيدا ولا هو الطريقة الصحيحة للوصول إلى الجسد المثالي.
وخلال لقائها في برنامج "الراديو بيضحك" من تقديم فاطمة مصطفى عبر إذاعة "الراديو 9090" قالت إلهام شاهين: "أنا عملت كل حاجة في وقت واحد، أنا يا أعمل كله يا معملش حاجة خالص، أخدت حقن تخسيس ودا مش صح أن الواحد ياخد حقن سكر عشان يخس والمفروض تكون فترة وأنا طولت وبقول أن ده مش صح، عشان محدش يقلدني".
وتابعت إلهام شاهين: "كل الأدوية اللي بتسد النفس كل ما أسافر بلد وألاقي دواء مكتوب عليه أنه بيخسس أجيبه، أخذت أدوية كتير تعبتني، كنت بروح لدكتور بيعمل أجهزة على الجسم تساعد على شد الجسم، ومكنتش باكل خالص الأدوية دي مش كويسة الواحد لو عنده إرادة وينظم نفسه هيخس".
وأكملت إلهام شاهين: "الطريقة الصحية أنك تقلل في الأكل، تاكل كل حاجة بكميات قليلة وتعمل رياضة، لكن اللي عملته مش طريقة صحية".
وخلال اللقاء كشفت إلهام شاهين عن الفيلم الذي ندمت على تقديمه وقالت: "ندمت على فيلم مش لأنه تافه، ندمت بسبب رسالة الفيلم كان اسمه "موت سميرة" بزعل من نفسي جدا، أنا بحب الفن وأهل الفن أوي وأدافع عنهم بكل ما فيا من قوة ومعروف عني ودايما بيقولوا هو إنتي محامي الفنانين".
وتابعت إلهام شاهين: "الفيلم ده يمكن برضو كنت صغيرة وخبرتي صغيرة، لكنه يسيء لفنان كبير جدا وأنا بعشقه وبحبه حب غير عادي وكنت أتمنى أقابله وبستمتع بفنه بشكل خرافي، الملحن الكبير أستاذ بليغ حمدي".
وأكملت إلهام شاهين: "الفيلم دا كان إساءة ليه وعيب أن إحنا قدمناه وعيت أن مصر عملته، ولما أسيء لفنان كبير كده أنا أسيء لبلدي نفسها لأنه عمل كتير للبلد ورفع مستوى الفن في البلد".
وفيلم "موت سميرة" إنتاج عام 1985 وبطولة كمال الشناوي ورغدة وإلهام شاهين ويوسف شعبان ومريم فخر الدين وأسامة عباس ووداد حمدي، تأليف محمد البشير وسيناريو وحوار نبيل غلام وإخراج محمد البشير.
(3).jpg)
.png)
.png)
.png)
.png)
.png)